Breaking News
Home / Nglaras / Mie Ayam

Mie Ayam

Mie Ayam … sapa sih wong indonesia sing ora reti panganan iki ? Nek ora reti, jan kebangetan tenan. Saben dalan kayane mesti eneng ting ting muni bakulan liwat, sing manggon yo akeh juga, laris-laris kabeh kayane.
Ning iki meh ngomongke bab liya, ning isih uga mie ayam, bahan bakune : daging pithik. Akeh nang media, koran, blog, forum, tipi do ngandakne nek mie ayam iku akeh sing ora sehat, ora becik gawene. Contone, saka pithik tiren, pithik sing matine ora merga dibeleh tapi mati merga lara, utawa daging liya kayata tikus. Pithik lara ya jelas haram kanggone wong islam, tikus yo haram, mlebu kewan sing ora entuk dipangan.

Kelingan jaman biyen pas dolan nang sulawesi, eneng panggonan nang tomohon, iku isine kewan sing kanggone wong jowo biasa kayane aneh tenan. Eneng lawa, gedene pol, tikus, ula gede ning biasane wis dikethok-kethok, celeng dan liya-liyane. Terus nang vietnam karo thailand, ikus iku malah dipangan kaya biasa ae, kaya daging biasa, nek ora ngelingi agama islam ya …
Balik nang mie ayam mau, misale bener tenan dienggo daging tikus, aku mikir, tikuse kayane ora mungkin tuku nang pasar, utawa peternakan tikus yo ora tau krungu, tak kira tikuse golek nang got-got, lha nang kutha … sawahe ae ora eneng, nek tikus got pancen akeh, luwih gede saka kucing malahan, sing wernane ireng, uripe mangani apa mbuh kae.

Dadi, piye sidane, entuk mangan mie ayam apa ora ki jane ? Pitakonan sing angel njawabe iki kayane luwih becik dipikir sareh karo awake dewe, meh mangan mie ayam apa ora. Kancaku dewe bakul mie ayam, aku ngewangi masake, melu nyacahi iwak pithike, kadang yo melu nang pasar tuku pithike, ora eneng sing aneh, rasane yo mie ayam kae, enaakk. Kancaku iku bakul ideran, udu manggon, duwe telung gerobak diiderke karo kancane liya. regane yo biasae ae, biyen sih limang ewu repis sepuluh tahun kepungkur, saiki mbuh ya, wis jarang ketemu.

Miris, nek misale ora mangan mie ayam ideran, kae bakule pie ko nasibe, ora kabeh bakul iku nakal lho, ning sing keneng apese kabeh bakul.
terus ndelok luwih gede maneh, bakso, beras, spageti, mie instan … kayane yo pada ae, eneng racune, mbuh sepira ra dong. Mesti eneng pengawete, beras ae saka pari sing disemprot nganggo pestisida yo mesti iku racun kan ?

Cuthel …

 

About Wong Semarang

Check Also

Bapak njaluk pulsa

Bapak njaluk pulsa

Saiki agi usum-usume kasus nang donyaning politik, “papa minta saham” sing kira-kira basa jawane “Bapak …

Leave a Reply

Your email address will not be published. Required fields are marked *