Breaking News
Home / Plesiran / Mancing nang Blater

Mancing nang Blater

Wis sue ra tau mancing kok ujug-ujug kepingin mangan iwak pancingan..ndilalah ponakanku kok yo kepingin mancing akhire sepakat mancing nang Blater nang nggone pak Harno juragan pancingan sing wis terkenal. nang sekitaranne kolam pancingan pak Harno ki yo akeh kolam pancingan liane, nek kok aku luwih sreg nang pak Harno Blater yo, mbuh mungkin rasa masakanne sing pas nang ilatku. Akhire sak keluarga tak boyong mancing kabeh totale ono 12 uwong, hehehe..akeh yo..

Bandang tekan kolam pancing, langsung masang umpan trus mancing..kahanane wis rame baget untung iseh entuk panggonan. nek meh mancing pas dino setu-minggu kudune pesen sik ben entuk panggonan, akeh bocah cilik-cilik sing do ajar mancing, rame banget opo maneh nek ono sing entuk iwak wahhh..pokoke nyenengke lah. Lha sing ibu-ibu ora gelem do mancing, malah do mangan panganan sing di gowo teko omah karo njagani anake le do mancing. Ra krasa le mancing wis entuk akeh, ono lele karo iwak nila trus di timbang total e 2,4 kilo. Trus iwak e separo dibakar separo digoreng ditambah tumis kangkung. wah marai ngeleh ki..

Karo ngenteni iwake mateng, bocah-bocah iseh podo mancing meneh lha liane do ngobrol ngalor ngidul. di enteni sue kok ra teko-teko iwake, le ngenteni nganti meh 2 jam..walah, selak luweh yo lha trus tak parani nang dapure, jare simbak e iseh ngantri soale akeh sing di masak. Mangkane suk neh nek meh nang Blater pesen masakan sik sak durunge mancing lan ngeleh ben ra kesuen sing ngenteni, akhire yo trus tuku gorengan tempe ge ganjel weteng regane rolas ewu (12.000) isine 10 iris. nek wedange es teh regane nem belas ewu (16.000) sak ceret iso ge wong akeh. Akhire iwake teko trus ngumpul-ngumpul maem rame-rame. roso masakane lumayan tur akeh jebule iwake cukup ge wong rolas (12), hehehe. Saiki wis wareg tur wis sore sisan, yo wis wayahe bali ning sak durunge bali jo lali tuku oleh-oleh wajik ijo regane pat likur ewu (24.000) rasane kenyel-kenyel legi…

wajik-suharno-blater
wajik-suharno-blater

About Gagak Rimang

Kumpulane wong-wong sing seneng mlaku-mlaku, ndeloki panggonan sing nyenengke

Leave a Reply

Your email address will not be published. Required fields are marked *